Mi morcha nela nahi by Sandeep Khare October 17, 2008

मी मोर्चा नेला नाही, मे संपही केला नाही
मी निषेध सुद्धा साधा कधी नोंदवलेल नाही ..

भवताली संगर चाले, तो विसफारून बघताना
कुणी पोटातून चिडताना, कुणी रक्ताळून लढताना
मी दगड होऊनी थिजलो रस्त्याच्या बाजूस जेव्हा
तो मारायाला देखील मज कुणी उचलले नाही

नेमस्त झाड मी आहे, मूळ फांद्या जिथल्या तेथे
पावसात हिरवा झालो, थंडीत झाडली पाने
पण पोटातून कुठलीही खजिन्याची ढोली नाही
कुणी शस्त्र लपवले नाही, कधी गरूड बैसला नाही

मज जन्म फळाचा मिळता, मी केळे झालो असतो
मी असतो जर का भाजी, तर भेंडी झालो असतो
मज चिरता चिरता कोणी रडले वा हसले नाही
मी कांदा झालो नाही, आंबा ही झालो नाही

मी मोर्चा नेला नाही, मे संप ही केला नाही
मी निषेध सुद्धा साधा कधी नोंदवलेल नाही ..