जपत किनारा शीड सोडणे नामंजूर
अन् वार्याची वाट पहाणे नामजूर
मी ठरवावी दिशा वाहत्या पाण्याची
येईल त्या लाटेवर डूलणे नामंजूर
मला ऋतूंची साथ नको अन् कौल नको
मला कोठल्या शुभ शकुंनाची झूल नको
मुहूर्त माझा तोच ज्या क्षणी हो ईछा
वेळ पाहूनी खेळ मांडणे नामंजूर
माझ्या हाती विनाश माझा कारण मी
मोहासाठी देह ठेवतो तारण मी
सुंदरतेवर होवो जगणे चक्काचूर
मज अब्रूचे थिटे पहाणे नामंजूर
रूसवे फुगवे भांडण तंटे लाख कळा
आपला तुपला हिशोब आहे हा सगळा
रोख पावती इथेच ध्यावी अन् घ्यावी
गगनाशी नेणे गार्हाणे नामंजूर
मी मनस्वितेला शाप मानले नाही
अन् उपभोगला पाप मानले नाही
ढग काळा ज्यातुन एकही फिरला नाही
नभ असले मी अद्याप पाहिले नाही
नीती तत्वे फसवी गणीते दूर बरी
रक्ततील आदिम जगण्याची ओढ खरी
जगण्यासाठी रक्त वाहणे मज समजे
पण रक्ताचा गर्व वाहणे नामंजूर
